மண்டாடி (2026) – முன்னோட்டம்
மதிமாறன் புகழேந்தி இயக்கத்தில், சூரி மற்றும் சுஹாஸ் முதன்மை கதாபாத்திரங்களில் நடித்து வெளியான திரைப்படம் ‘மண்டாடி’. பாரம்பரிய படகுப் போட்டியை (Sea Boat Racing) அடிப்படையாகக் கொண்ட ஒரு பழிவாங்கல் மற்றும் நட்பு சார்ந்த ஸ்போர்ட்ஸ் டிராமா.
மண்டாடி கதை
களிங்கப்பட்டினம் துறைமுகப் பகுதியை தன் கட்டுப்பாட்டில் வைத்திருப்பவர் சாட்டா புலி (சுஹாஸ்). இவருடைய ‘சுனாமி ரைடர்ஸ்’ அணி தொடர்ந்து 20 ஆண்டுகளாகப் படகுப் போட்டிகளில் வெற்றி பெற்று வருகிறது.
ஒரு சூழலில், சாட்டா புலிக்கு எதிராகப் பிரச்சனை உருவாக, 20 ஆண்டுகளுக்குப் பிறகு காளி (சூரி) மீண்டும் ஊருக்குள் வருகிறார். கடந்த காலத்தில் உயிருக்கு உயிரான நண்பர்களாக இருந்த காளியும், சாட்டா புலியும் ஏன் எதிரிகளானார்கள்? இவர்களுக்குப் பயிற்சியளித்த முனி (சத்யராஜ்) எப்படி இறந்தார்? காளி – ஏஞ்சல் (மகிமா நம்பியார்) காதல் என்ன ஆனது? இறுதியாக நடக்கும் பாரம்பரிய படகுப் போட்டியில் யார் வெல்கிறார்கள்? என்பதே ‘மண்டாடி’ படத்தின் கதை.
வழக்கமான பழிவாங்கல் கதையாக இருந்தாலும், தமிழ் சினிமாவில் இதுவரை அதிகம் காட்டப்படாத ‘கடல் படகுப் போட்டி’ என்ற புதிய பின்னணியும், சூரி – சுஹாஸின் நேர்த்தியான நடிப்பும் படத்தை ரசிக்க வைக்கிறது. பெரிய எதிர்பார்ப்புகள் இல்லாமல் திரையரங்கில் பார்க்கக்கூடிய ஒரு நல்ல ஸ்போர்ட்ஸ் ஆக்சன் டிராமா!
Read Also: Yen Ennai Edho Seidhai Movie Review
படத்தில் சிறப்பானவை
➡கதைக்கரு
➡சூரி மற்றும் சுஹாஸின் மிரட்டலான நடிப்பு
➡மற்ற அனைவரின் நடிப்பு
➡படகுப் போட்டி காட்சிகள்
➡டெக்னிக்கல் தரம்
➡ஜி.வி. பிரகாஷ் குமாரின் பின்னணி இசை படத்தின் வேகத்தைக் கூட்டுகிறது.
படத்தில் கடுப்பானவை
➡பழக்கப்பட்ட திரைக்கதை
➡மெதுவான முதல் பாதி
ரேட்டிங்: ( 3.75 / 5 )
