பாரிஸ் கஃபே (2026) – முன்னோட்டம்
இயக்குநர் சரஜ் சீலன் இயக்கத்தில், குரு சோமசுந்தரம், அனுமோல், விஜய் விஷ்வா, அர்ச்சனா மற்றும் பலர் நடிப்பில் வெளியாகியுள்ள காதல், குடும்பம் மற்றும் சமூகக் கருத்துள்ள திரைப்படம் ‘பாரிஸ் கஃபே’ (Paris Cafe).
பாரிஸ் கஃபே கதை
அரசு மருத்துவரான கெளதம் (குரு சோமசுந்தரம்), சமூகச் செயல்பாட்டாளரான தாரா (அனுமோல்) இருவரும் காதலித்துத் திருமணம் செய்துகொண்ட தம்பதிகள். மருத்துவக் கருத்தரங்கிற்காகப் பாரிஸ் செல்லும் கெளதம், அங்குள்ள ஓர் உணவகத்தில் ஓர் இளம் காதல் ஜோடியின் புகைப்படத்தைப் பார்க்க நேரிடுகிறது. அந்தப் புகைப்படத்தின் பின்னணியில் உள்ள அதிர்ச்சிகரமான கடந்தகால உண்மை அவரை அடைகிறது.
சென்னை திரும்பிய பின் அந்த விஷயத்தை தனது மனைவியிடம் கூற, அது இருவருக்குள்ளும் பெரிய பிரிவை ஏற்படுத்துகிறது. இதற்கிடையில், அமெரிக்காவில் இருந்து வரும் அவர்களின் மகள் அர்ச்சனா தனது காதலர் விஜய் விஷ்வாவுடன் இணைந்து பெற்றோரைச் சேர்க்க முயற்சிக்கிறார். இறுதியில், அந்த இளம் ஜோடியின் மர்மமான இறப்புக்கும் குரு சோமசுந்தரத்திற்கும் என்ன தொடர்பு? ஆணவக் கொலைக்கு எதிரான சமூகப் பிரச்சினையை இக்கதை எவ்வாறு கையாண்டுள்ளது என்பதே படத்தின் மீதிக் கதை.
ஒரு நல்ல காதல் கதையோடு சேர்த்து, சமூகப் பொறுப்புள்ள கருத்துக்களையும் பேசும் ‘பாரிஸ் கஃபே’ திரைப்படம் ரசிகர்களின் மனதைத் தொடும் ஒரு நல்ல சினிமா அனுபவம்.
Read Also: The Dark Heaven Movie Review
படத்தில் சிறப்பானவை
➡வலுவான கதைக்களம்
➡யதார்த்தமான நடிப்பால் குரு சோமசுந்தரம் மற்றும் அனுமோல் இருவரும் கதாபாத்திரத்திற்கு உயிர் கொடுத்துள்ளனர்.
➡மற்ற அனைவரின் நடிப்பு
➡பிரச்சார நெடி இல்லாத இயக்கம்
➡பின்னணி இசை & ஒளிப்பதிவு
படத்தில் கடுப்பானவை
➡இரண்டாம் பாதித் தொய்வு
➡மேலும் மெருகேற்றப்படாத திரைக்கதை
ரேட்டிங்: ( 2.75 / 5 )
