மூக்குத்தி அம்மன் 2 மஹாசக்தி (2026) - முன்னோட்டம்

இயக்குநர் சுந்தர் சி இயக்கத்தில், 'லேடி சூப்பர்ஸ்டார்' நயன்தாரா நடிப்பில் வெளியான 'மூக்குத்தி அம்மன் 2' (2026) திரைப்படத்தின் விரிவான திரை விமர்சனம் கீழே கொடுக்கப்பட்டுள்ளது

மூக்குத்தி அம்மன் 2 மஹாசக்தி கதை

போலீஸ் கான்ஸ்டபிளாக இருக்கும் நடிகை நயன்தாராவுக்கு இரவில் புரியாத புதிராக கனவுகள் வருகின்றன. இந்த கனவில் வரும் அமானுஷ்யங்கள் நயன்தாராவை மயிலாஞ்சி என்கிற ஊருக்கு போக சொல்கிறது. தொடர்ந்து இதுபோன்ற சம்பவங்கள் நடைபெற்று வரும் நிலையில், மயிலாஞ்சி தனது அம்மாவுடன் செல்ல முடிவு செய்கிறார்.

நயன்தாரா அங்கு வரும் நேரத்தில், 2000 ஆண்டுகளாக ஜீவசமாதியில் உள்ள ரெஜினாவை மந்திரவாதி சுனில் தனது சக்தியால் மீண்டும் உயிர்ப்பிக்கிறார். உயிர்த்தெழும் ரெஜினா தனது கணவரை தேடி கண்டுபிடித்து, நயன்தாராவை பலி கொடுக்க முடிவு செய்கிறார்.

பலி கொடுக்க அவரை அழைத்து வரும்போது நயன்தாராவை காப்பாற்ற மூக்குத்தி அம்மன் என்ட்ரி தருகிறார். அப்போதுதான் தெரிகிறது, மக்களை காப்பாற்ற மூக்குத்தி அம்மன்தான் மறுபிறப்பு எடுத்துள்ளார் என்று. ஆனால், இது நயன்தாராவுக்கு தெரியவில்லை.

தான் மூக்குத்தி அம்மனின் மறுபிறப்பு என்றே தெரியாமல் இருக்கும் நயன்தாரா எப்படி தீயசக்தியான ரெஜினாவை அழித்து மீண்டும் ஊர் மக்களை காப்பாற்றினார் என்பதே இப்படத்தின் மீதி கதை.

முதல் பாகத்தின் தொடர்ச்சியாக இல்லாமல் முற்றிலும் புதுமையான ஆக்‌ஷன் ஃபேண்டஸி பாணியில் உருவான 'மூக்குத்தி அம்மன் 2', குடும்பத்துடன் தியேட்டரில் பார்த்து ரசிக்கக்கூடிய ஒரு கமர்ஷியல் தெய்வீக கொண்டாட்டம்!

Read alsoScene Tamil Movie Review