சிங் கீதம் (2026) – முன்னோட்டம்
இந்திய சினிமாவின் லெஜண்டரி இயக்குனரான சிங்கீதம் சீனிவாசராவ் (94 வயதில்!) இயக்கத்தில், நாக் அஸ்வின் தயாரிப்பில், அயான் கான், அகில்யா பம்ரூ, ஷாலினி கொண்டெபுடி உள்ளிட்ட பலர் நடிப்பில், தேவி ஸ்ரீ பிரசாத்தின் இசையில் வெளியாகியுள்ள ஒரு அசாத்தியமான மியூசிகல் பேண்டஸி (Musical Fantasy Drama) திரைப்படம் தான் இந்த ‘சிங் கீதம்’.
சிங் கீதம் கதை
தங்கச் சுரங்கங்கள் நிறைந்த குபேரபுரம் என்ற கிராமத்திற்குத் தனது தந்தையின் சொத்தை தேடி வருகிறார் நாயகன் பிரதாப் (அயான்). அங்கு பேராசை பிடித்த கார்ப்பரேட் முதலாளிகள் மற்றும் ரேணு (ஷாலினி) ஆகியோர் தங்கத்திற்காக ஒட்டுமொத்த இயற்கையையும், அந்த ஊரின் அடையாளமாக இருக்கும் ஒரே ஒரு புனித மரத்தையும் அழிக்கத் துணிகின்றனர். அந்த மரத்தைக் காக்கப் போராடுகிறார் கௌரி (அகில்யா).
லாப வெறிக்காக அந்தப் புனித மரம் வெட்டப்படும்போது, அந்த கிராமத்திற்கு ஒரு விசித்திரமான ‘தெய்வீக சாபம்’ ஏற்படுகிறது. அதன் விளைவாக, ஊர் மக்கள் அனைவரும் சாதாரண பேச்சை இழந்து, தங்களின் கோபம், அழுகை, காதல் என எந்த ஒரு உணர்ச்சியாக இருந்தாலும் அதை ‘பாடல்கள் மற்றும் இசையின்’ மூலமாக மட்டுமே வெளிப்படுத்த வேண்டும் என்ற நிலை உருவாகிறது. இந்த சாபத்திலிருந்து மக்கள் எப்படி விடுபட்டார்கள், தங்களின் பேராசையை எப்படி உணர்ந்தார்கள் என்பதே ‘சிங் கீதம்’ படத்தின் கதை.
சிங் கீதம் – சினிமாவில் புதுமைகளை ரசிப்பவர்களுக்கான ஒரு அரிய கீதம்!
லாஜிக் பார்க்காமல், ஒரு புதுமையான மியூசிகல் எக்ஸ்பெரிமெண்ட்டையும், அழுத்தமான சுற்றுச்சூழல் மெசேஜையும் பெரிய திரையில் அனுபவிக்க நினைப்பவர்கள் இந்த ‘சிங் கீதம்’ திரைப்படத்திற்குத் தாராளமாக டிக்கெட் எடுக்கலாம். இந்திய சினிமாவில் இது ஒரு மிக முக்கிய ‘கல்ட்’ (Cult) திரைப்படமாக மாற வாய்ப்புள்ளது.
Read Also: Con City Movie Review
படத்தில் சிறப்பானவை
➡கதைக்கரு
➡சிங்கீதம் சீனிவாசராவின் மேஜிக்
➡மற்ற அனைவரின் நடிப்பு
➡தமிழ் டப்பிங்
➡தேவி ஸ்ரீ பிரசாத்தின் அசாத்திய இசை
➡அழுத்தமான சமூகக் கருத்து
➡ புதுமையான திரைக்கதை வடிவம்
படத்தில் கடுப்பானவை
➡சுமாரான VFX காட்சிகள்
➡படத்தின் வேகத்தை குறைக்கும் ஒருசில காட்சிகள்
ரேட்டிங்: ( 3.5 / 5 )
